الانكار في البلاد الليبيه

لاي شخص قاعد يقولي وسام بن حميد والزهاوي وبادي وابوعبيده والشله اللي معاهم توار وبيحررونا
بعد ما يسيطروا علي بقايا الدوله بيقتلوا بوك وعمك وخالك رميا بالرصاص او ذبحا وبيرجموا امك واختك حتي الموت مدن حاتحرق في سبيل الشريعه اللي يبوها.
وحايجيك يوم راس مالك حصيره وزوز معيز وترقد تحت غطاء خيمه وبتعيش علي التمر والخنافيس.

واللي بينجا منهم حايقعد حلمه يسافر بعيد ويولي واحد من المهاجرين المفلسين في مجتمع مهذب ومتقف جدا واللي بصراحه عايشين من غير وجودنا ومش مهم حني نموتوا او لا.

واللي قاعد ينكر الواقع هادا انقوله انت مجرد احمق غبي متير للشفقه عليك اللعنه

الجهاد او التوره

بعض البنادميه اللي عايشين معانا في هادا الوطن المسمي ليبيا ما زالوا يبحثون عن روحهم الضائعة في الجهاد او في الثورة..!!
تقافه الدوله حيت الناس تكون متساويه الحقوق والواجبات ولا وجود لتفرقه عنصريه علي اساس الجهويه او الدينيه والعيش في نظام ديمقراطي حقيقي ومع قانون يحكم البلاد للاسف لايوجد داخل عقلهم المريض .
ومن يتبع هولاء المخلوقات ويصدق كلامهم فعليه مراجعه نفسه قبل فوات الاوان.

الديناصورات لم تطور من نفسها وابقت علي نفس تفكيرها فانقرضت فاحذروا ايها الشعب قبل ان تنقرضوا في سبيل التوره او الجهاد.

التوافق بين جميع التورات

و التوافق بين جميع التورات علي دعم مجلس النواب كحاكم شرعي للبلاد الليبيه والموافقه علي جميع قراراته
وعلي مدن اللي قاعده تحكم فيها القبايل اتدير نظام لصغارها واللي تقول عليه الدوله يتفدوه والمدن اللي يحكموا فيها المفرخ كان ماعندهمش كبير يربيهم باقي القبايل تربيهم ودمهم يتشرتع علي القبايل
وبالنسبه للناس اللي تنتمي للجيهتين وقاعدين يحلموا بعمورة فهادم لازم يتعالجوا نفسيا والا يدخلوا ليبيا في سلاطه احرف من اللي هيا فيها

واللي يقولي حني مش قبليين وجهويين فوتا الموضوع تي حني عز ام القبليه عندنا

وزي ما يقولوا ما يجيبها الا #البازين

 

2012-10-26 14.24.57_Sophia_Castle_Rustic